حوار ساخن بين الشباب والبنات !!!! يالله تعالوا

إيه يا شباب فينكم ؟؟؟

بجد موضوع روعه
وانا هبقي اول واحد
عاوز اعرف ليه دلوقتى البنات بيلبسو باديهات وبناطيل ولازم تبقي ضيقه سواء الباديهات او البناطيل او حتى الجيب ؟؟؟؟؟؟؟؟؟؟؟
ايه بيتمزجو كده يعنى ولا ايه
بس ارجع واقول ان كل ده بيرجع على الاب والام هما السبب الرئيسي
ومحدش يجيب غلط المعاكسات على الشباب ليه لان البنت هى اللى بتجبروووووووو على كده لو واحده محترمه ولابسه كويس هو غصب عنه هيحترمها
وشكرا

السلام عليكم جميعا

منورين جميعا


وشكرا يا محمد على الموضوع الجميل ده


بس انا مش عارف هما ماردوش على سؤالك ليه؟؟


يمكن مكسوفين او يمكن مش لاقين كلام يقولوه


بس هما لازم يا محمد برده يظهرو بمظهر كويس وسط زمايلهم


زى انتا ما بتحب تظهر بمظهر كويس وسط زمايلك


انا معاك ان البناطيل بقت فى النازل والبضيهات بقت فى الطالع


بس هانعمل ايه بقى


هو يمكن العيب فى التنشئه زى انتا ما بتقول بس الاب والام مش عليهم كل حاجه


انا هاقول لحضرتك على حاجه

يمكن الاب والام لو شدو على البنت زى انتا مابتقول

البنت تشوف صاحبتها واخده راحتها شويه فالبنات اصلن بيغيروا من اى حاجه

وبيغيروا من بعض على اى حاجه فيتقلب مع البنت بطريقه عكسيه وتقول مش معنا انا

فاهمنى يا باش مهندس

فالسؤال بقى يا مودى اللى احنا عايزين رده

هما بيعملو فينا كده ليه هما عايزين مننا ايه

هما لو قعدو فى البيت مش هايرتاحو ويريحونا

تصور كده ياض لو الحياه من غيرهم يا لهوى

بس ارجع واقولك ماينفعش

هاتبقى الحياه ممله

دى هاتبقى تربه مفتوحه

وماعلش طولت عليكم بس انا واللهى عندى اسئله كتير بس لما نشوف حد يرد على محمد

انا هرد بدلهم مجازا ع حد ميجي يرد بس انا هدافع عنهم لاني مقتنع باللي بيعلموا ومحدش يزعل مني

دلوقتي احنا الولاد بنلبس اللي احنا عايزينه اوك تمام محدش بيكلمنا
هما برده ليهم حق يلبسوا الحاجه اللي شايفينها حلوه عليهم اصل البنت مش لما يعجبها حاجه هتعمل حساب الشباب ونظراتهم هي اعجبت بلبس معين خلاص هتلبسه ادام مش عريان وكده حكايه ضيق بقى فدناو كل الناس بتلبس ضيف فكل مكان
والواجب علينا احنا كشباب لو متربيين صح وعندنا شهامه مهنبسش والمفروض نتعلم برده من الغرب يعني الواحد يبقى عنده حاجه عديه البنت تلبس اي حاجه مش مشكله
مش لازم اقل ادبي واعاكس ايه يعني لابسه ضيف مفيهاش حاجه لو احنا شباب مظبوطين مش فدماغنا ونفضل نبص عليهم وديه لابسه ضيق وديه لابسه بودي مفتوح والكلام ده ميصحش قبل منكلم البنت لازم نصل نفسنا



يارب تكونوا فهمتوني

ميرسي

اولا مرسي ليكي يا رورو على الفكرة الحلوة دي ..

ثانيا سؤالك حلو اوي يا محمد وعايزة اقولك انك رديت على سؤالك

وفعلا هيه التربيه اللى بتأثر على البنت وعلى طريقه تفكيرها ولبسها

انا عن نفسي مش بشجع النوع ده من اللبس

لكن شايفة برده ان مهما لبست البنت اي حاجة لو الولد فعلا متربي صح مش هيفكر يبصلها

ده لو حتى عامله اراجوز يعنى لبس البنت مش مبرر لمعاكسه الولاد للبنات

وطبعا زي ما بنلوم البنت على لبسها وبنلوم الاهل على تربيتهم للبنت

المفروض برده نلوم على الولد في لبسه ونلوم على اهله في تربيتهم له برده

يعني الحمد لله الذي عافانا كتير من الشباب غاوي يلبس بناطيل ساقطة

بجد مش عارفه ايه الحكمه من البناطيل الساقطه دي..؟؟

وياريتها ساقطة وخلاص ... لا ... تلاقيه من تحت البنطلون مبين جنينه ورود واشكال هندسيه ونقط

يعني سؤالى للي بيلبس اللبس ده ..انت مفكر ان دي مرجلة..؟؟؟؟

انا بصراحه شيفاها معيله اخر حاجة وياسلام بقه لو كمل الديكور بحظاظة وسلسلة وكهرب شعره

بجد فعلا التربيه هيه اساس كل ده سواء للبنت او الولد

يعني مش الولد يقول انا ولد حر اعمل اللى انا عايزة

لا... زي ما العريس بيسال على البنت واخلاقها قبل ما يخطبها

بيسأل على اخواتها واهلها قبل ما يسال عليها

لان الاهل هما الاساس

وسوري لو طولت عليكم ...

شكرا ليكو كلكم على المرور


اولا :برد على حاتم.

(بس هما لازم يا محمد برده يظهرو بمظهر كويس وسط زمايلهم
زى انتا ما بتحب تظهر بمظهر كويس وسط زمايلك)

فى برده يا حاتم لبس كويس ومحترم مش لازم يعنى يبقي بالشكل ده


ثانيا : برد على ميدو .

انا معاك فى حكايه ( احنا كشباب لو متربيين صح وعندنا شهامه مهنبسش ) بس انت هتعمل ايه دلوقتى تبص يمين شمال فوق تحت هتلاقى المناظر ده منطلعش من بيتنا بقي ولا ايه!!!!!

وبعلق على الجمله ده (والمفروض نتعلم برده من الغرب يعني الواحد يبقى عنده حاجه عديه البنت تلبس اي حاجه مش مشكله )
مينفعش يعنى مثلا ازاى الاخ/ الاب يسيب اخته/ بنته تطلع واللبس هيتفترتك من عليها معلش يعنى فى اللفظ ايه مبيحسش يعنى ولا ايه معندوش دم

ثالثا :برد على سيره الحب.

وانا معاكى فى حكايه الشباب (يلبس بناطيل ساقطة) انا برده معرفش ايه الغيه فى كده.

لكن مش معاكى فى ده
( لكن شايفة برده ان مهما لبست البنت اي حاجة لو الولد فعلا متربي صح مش هيفكر يبصلها
ده لو حتى عامله اراجوز يعنى لبس البنت مش مبرر لمعاكسه الولاد للبنات)
وانا زى ماقلت لميدو (دلوقتى تبص يمين.......الى اخره) والمشكله مش فى المعاكسه المشكله فى الذنوب اللى احنا عمالين بنشلها ده مش شرط المعاكسه يعنى
طب ايه الحل احنا منطلعشي من بيوتنا !!!!!!!!!!!!

هو الرد كبير شويه بس معلش

وأظن ان في لبس كويس ومحترم وشيك كمان
بس ده كل اللى اقدر اقوله

واخيرا الاختلاف فى الرأى لايفسد للود قضيه.......

لو انت ماشي في الشارع وفعلا من جواك مش عاوز تشوف المناظر دي مش هتشوفها

يعنى انت متركزش معاهم وحتى لو غصب عنك شفت الحوارات دي مش هتاخد ذنب

بس المهم انك تكون رافض فكرة انك انت اللى تبص على البنات

كمان ممكن تشغل نفسك باي حاجة كويسه وانت ماشي في الشارع

رورو الموضوع فكرته حلوة اوووووى
بس انا عايزة اقول حاجه للشباب دلوقتى مش الحل انكم تقعدوا فى البيت
لا انت بصيت لقيت البنت لبسه ضيق ومنظرها مش كويس يبقى بلاش انك تفضل تتدقق وتقعد تبص كتير لا فى حاجه اسمها غض البصر
وياجماعه عايزة اقولكم حاجه مهمه ان اكتر البنات متضطرة تعمل كده
لان اللبس كله اصلا بقا كده يعنى البنت اما تنزل تشترى لبس بتلقيه كله ضيق وحاجات كده
وكمان كل البنات بيقولوا لازم نظهر على الموضه واحدث حاجه
يبقى الذنب ذنب اصحاب المحلات هههههههههههههههههههههه
بس بصراحه فى بنات بتبقى مافورة شويتين تلاته ودا بيرجع للبيت لانها مش لقيه حد يقولها بلاش دا بالعكس فى امهات بتشجع بناتها على كده عشان يظهروا على الموضه والشباب تجرى وراهم ههههههههههههههههه

ميرسي علي تفاعلكم ..

ثانكس ياميدو علي ردك طول عمري راي فيك انك غير..

الحمد لله البنات قالوا كل الكلام الي كنت هقوله

اظن كده جاوبنا علي سؤالكم ..

يلا يابنات جه وقت سؤالنا

mmmmmmm ya 5ofe men el so2l el hege

لأ هو واضح اصلا انكم هتهربوا من قبل السؤال

زي ماعملتوا في الموضوع ده

https://a7laroro90.ahlamontada.net/montada-f24/topic-t52.htm#286


اوعوا حد يقول ماشفتهوش

معلش يابنوتات ياحلوين ناويين نأجل السؤال شوية علي لما الشباب يرجعوا بالسلامة من

الرحلة ان شاء الله بس عاوزاكم تستعدوا بسؤال فنبلة يخلينا نأخد حقنا منهم .. زمانهم في


الرحلة دلوقت ناسين جملة (((( غض البصر ))) شباب بقي .. يلا مش هطول عليكم