التدين بين الشباب هو ايه؟؟

بجد تسلم ايدك علي السؤال ده وجميل اوى اننا نتكلم شويه عن دينا
هو طبعا التدين مش حجاب وبس ولا حتي انه الشباب يروحوا يصلوا وخلاص علي كده
لا طبعا لان في ناس كتير مش بتادي فرايض ربنا كلها والصلاه دي فرض واحد بس منهم
وفي اغلب الاحيان كمان تلاقي الشباب بيصلوا الجمعه وخلاص لكن دا ماينفعش لا مش تدين خالص وبرده
في بنات كتيرة لابسه الحجاب لكن مش عارفه قيمته لكن احنا عشان نلتزم بجد بدينا المفروض اننا نعمل كل حاجه ونباه فاهمينها او بنعملها عشان ايه يعني مش لابسين حجاب عشان احنا في مجتمع لازم يلبس حجاب
او لابسين الحجاب عشان كلام الناس لا المفروض اننا نكون لابسين الحجاب وعارفين قيمته واننا لابسينه ليه
وبرده بالنسبة للصلاه لازم نكون عارفين قيمتها وثوابها عند ربنا ايه
الحاجات دي مهمة اوى يا جماعه والله عشان نكون عارفين امور دينا ماشيه ازاى
ومعلش باه طولت عليكم

ربنا يخليكي انتي اللي قمر
بس انا شايفه ان التدين ان مثلا الشخص يحافظ علي دينه علي صلاته يعني مش بيعمل اللي عليه وخلاص ده لازم يلتزم بكل حاجه في الدين يعني مثلا يتبع سنه النبي صلي الله عليه وسلم في كل حاجه يادي فرايض ربنا صح لان علي فكره في ناس كتيرة اوى ممكن تصلي غلط وبرده بالنسبه للبنت المفروض ان الحجاب ده مش طرحه وخلاص لا المفروض اننا كلنا نلتزم بالحجاب ده ومانعملش حاجه تسوء ليه
يعني مثلا نحافظ علي اسرار غيرنا لو حد اتكلم عليهم كلمة مش كويسه احنا نرد غيبتهم
واهم حاجه في التدين للبنت او للشاب انه لو غلط وعارف ان ده غلط ما يكررهوش تاني

تسلم ايدك عالرد وربنا يثبتك يارب ويثبت كل شباب المسلمين