سيبها تحبك حبها تسيبك

انا مش هبتدي بدايه تقليديه وأعلق عالحدوته دي..

انا هسيب كل واحد ياخد انطباعه ويقول تعليقه لوحده..



بس نفسي أعرف


ليه لما تحب أوي وتخلص أوي وتدي كل حاجه أوي

تكتشف ان الحد اللي انت بتديله دا ميستاهلش أصلا..

ولما تلاقي حد بيحبك أوي ويخلصلك أوي ويديلك أوي أوي..

تبقي انت أصلا مبتحبوش.. بتبقي مش حاسه..

ليه دايما نحب حد والحد دا يبقي بيحب حد تاني والحد التاني يبقي مش بيفكر أصلا فيه

وفي نفس الوقت في حد بيحبنا واحنا مش حاسين بيه...

وفجأه نلاقي نفسنا جوه دايره مقفوله..!!





طيب ليه كل واحد فينا ممكن يعيش ويموت بيدور علي لحظة حب حقيقي..

مجرد لحظه.. بس مش لاقيها؟!!

مش عجيبه دي شويه؟!!

هو احنا اللي غلط ولا احنا بقينا في زمن اختفي منه الحب؟؟!


ولا يمكن شعار البني آدمين بقي زي قانون الضرائب كدا: مصلحتك أولا..!!


بحس انني عامله زي المجنون اللي نفسه يلاقي اجابه علي تساؤلات كتيره اوي عنده..


طيب عايز اعرف ليه دايما أحبك ألاقيك تزهق مني.. تزهق من اهتمامي..

تزهق من تركيزي في تفاصيل بالنسبه لك صغيره وتافهه؟؟

طيب ليه اتقلي عليه يحبك؟؟

وليه سيبها تحبك حبها تسيبك؟؟

ليه عايزني اتغير؟؟ مش انت حبيتني كدا؟؟ هتغيرني ليه؟؟

عارف انا ممكن اتغير ، بس لو اتغيرت هبقي بارده..

هبقي حاجه كدا ملهاش طعم..

انا مش كمبيوتر هتحط الامر وتدوس enter يبقي كله تمام وعلي هواك..!!
انا بني آدم.. أنا لحم ودم واحساس.. ليه عايزني ابقي مش انا؟؟




طيب ليه شاغل بالك بالناس؟؟ ليه عايز الناس يقولو شوف دي بتحبه ، يااااه يا بخته!! او صحباتها يقولوا ياه ده بيحبها المشكله فينا انا وانتي وانت وكلنا لازم نتغير
عمر الحب مكان كدا..


طيب ليه دايما الحاجه اللي في ايدينا مش بنعرف قيمتها غير لما تروح مننا؟؟!
طيب مدام هيا كانت في ايدينا ضيعناها مننا ليه؟؟


مليون سؤال وسؤال ، ومفيش اجابه واضحه.. عايمين في بحر



بلاش تمثل الحب.. بلاش يبقي ردك " وانا كمان " لما أقولك بحبك

بحسه رد بارد أوي.. لو مش حاسسها متقولهاش..

متطلعهاش من جواك غير لما تحسها وتحسها أوي كمان..

عشان يبقي ليها طعم.. عشان يبقي ليها معني..

بلاش تخلي قلبي زي الأصنام عشان ميعرفش يحسك ويدق بحبك!!



يلا نبعد عن بعض.. ونبعد نكهة الغباء اللي بوظت كل حاجه ما بيننا..

كل حاجه بقي طعمها ماسخ أوي..

الحب الطاهر ضاع لاننا معرفناش نخليه جوانا من كتر الغباء!!



وفيها ايه؟؟
هنتعب يوم.. يمكن اتنين.. بس هنتعلم نختار صح ونحب بجد

عشان الحب لازم يكون أقوي من أي حاجه.. !!

عشان كدا اللي بيننا مكنش حب ....

الحب متبرأ مننا.. يمكن يكون في طرف فينا جاي علي التاني..

مش دي المشكله.. ..



اسف لو كنت طولت عليكوا بس بجد انا تعبت وكان لازم افضفض معاكوا شويه يارب اكون خفيف عليكوا

انا بصراحه مش عارف اقولك ايه
يمكن هى الدنيا كده مش عارف!!!!!!!!!!!!!!
ومجهود رائع

merci ya m7amed basha

بجد انا كمان مش عارفه اقولك ايه بس هى الدنيا كده زى ما محمد قال وهو ده الحب دلوقتى ياميدو كله عاوز يتسلى مش يحب بجد او يخلص مع اللى بيحبه ولو حبيت بجد زى مابتقول تكتشف فى النهايه دا ميستاهلش أصلا..

الدنيا مش كده والحب مش كده العيب مش في الدنيا ..

العيب فينا احنا .. احنا اللى مش بنختار صح ودايما ماشيين ورا قلبنا لكن لو فكرنا شوية بعقلنا الامور هتبقى تمام..

اما بالنسبه للخاينين ومش يستاهلوا الحب ده دي بقه حاجه ترجعلهم وطالما احنا بنقول انهم ميستاهلوش الحب ده

يبقى كمان ميستاهلوش اننا نندم عليهم ونتعب من جرحهم

المفروض نتحداهم ونعرفهم انهم ميستاهلوش اننا نفكر فيهم

ومش عيب ولا غلط اننا نقع مرة لكن المفروض نتعلم من وقعاتنا دي عشان نعرف نختار كويس بعد كده

والدنيا مش هتقف عند واحد ميستاهلش الدنيا ماشيه واحنا كمان لازم نمشي معاها عشان نعرف نعيش

عندك حق والله ياسيره فعلا العيب فينا احنا القلب لوحده مش كفايه مفيش حد يستاهل والدنيا مش هتقف عليه لازم نمشى مع الدنيا

kalamko mazboooooooooot
merci 3la rad ya gma3a