تامر مين يا عمر ..

عدد المساهمات : 304 تاريخ التسجيل : 26/07/2009

بسم الله الرحمن الرحيم ...

والصلاة والسلام على أشرف خلق الله أجمعين ..

محد بن عبد الله وأله وصحبه الطيبين الطاهرين ..

أما بعد ،،،

سامحنى يارب ..

طبعا ً إحنا ذكرنا آنـفاً .. حلوه آنـفاً دى ..

إن الست مرجانه .. شتمت تامر ..

ياخى الست شيرين .. شتمت تامر ..

وقالت عنه تامر مين ده يا إزدحمد ..

وفسرنا إن إزدحمد تساوى فى أصول الردح ياعمر

وتساوى يادلعدى .. الجديد بقى .. أنه اتضح إن البلد إتقسمت فرعين ..

فرع موافق على انه فعلا تامر مين يا إزدحمد .. دول بقى قبيلة العمراويه ..

نسبةً إلى كبير العمراوية .. الحاج عمرو بن عبد الباسط آل دياب ..

والفرع التانى هوا اللى مش عاجبه إن الست مرجانه تقول كده على تامر ..

ودى بقى قبيلة التمراوية .. نسبةً إلى الحاج تامر بن حسنى آل شريف .. كبير التمراويه ..

وفيه فرع تالت وده الجماعه الخايبين اللى زى حالاتى ..

واللى بيشجعوا المنتخب الجزائرى ..

المهم .. تلاقى ياخى المنتديات مقلوبه ..

والناس كتير قوى والدنيا زحمه ..

وكله عمال يضرب فى بعضه ..

انتا اللى قتلت ببايا ..

لأ وربنا مش أنا ...

طيب .. هبا الحكايه جات إزاى ..

كده بقى إنتا إبتديت تفهمنى .. أولا أنا بحييك جدا على سؤالك ده ..

وقبل كده بحييك على إختيارك للإنسان اللى هيجاوبك ..

وأقدر أقولك بسم الله الرحمن الرحيم ..

الإجابه معرفش ..

أيوه معرفش .. بس اللى ميعرفش لازم يدور .. وإحنا دورنا ولقينا ..

أيوه أمال ايه .. ياحبيبى مفيش كباب من غير نار ..

بس هوا الموضوع كبير .. يعنى عايز قعده ..

صلى بقى على اللى هيشفع فيك ..

بس عايز أقولك إن الكلام اللى بالأزرق مسروق من الفيس بوك .

اشتعلت المواجهه من جديد بين المطربين تامر حسني وشيرين

وانتقلت الحرب بين محبيهم على الانترنت في الفيس بوك والمنتديات

الحرب لم تكون وليدة بل لها جذور بعيده تعود الى واقعة تجنيد تامر

أولا أنا عجبانى أوى وليده دى ..

والتي انتقد بعدها شيرين لعدم زيارتها له وقال هذه المحنه جعلته يعرف اصدقاءه الحقيقين

لأ بجد بجد غلطانه .. الراجل فى سجنه لازم برضو تزوره وتاخد له عيش وحلاوه .. غلطانه ..

وقد بلغت الحرب الكلاميه اوجها عندما وصفت شيرين تامر حسني ب"تامر جاكسون"

طبعاً إحنا مينفعش نجيب فى سيرة الراجل لأنه مات وساب لكم الدنيا كلها ..

وقالت كفايه عليه المزز الي يفضلوا يحضنوا فييه وبصراحه كده انا مش حقدر استحمل

اقف اغني مع تامر جاكسون وفجأه الاقي وحده اغمى عليها وبقت تحت رجليه

شفيق ياراجل

وعن سبب توتر العلاقه بينهما في السنوات الاخيره قالت الست مرجانه

نعم كانت تربطنا صداقه وتوترت لكوني لم اعد اشعر بالراحه في الاقتراب منه

ليه بقى جربان يعنى ولا جربان ..

وقفت معه اثناء سجنه وقمت بزيارته ثم وجدته بعد الافراج عنه يقول عني كلام غير صحيح ولم يحدث

كده بقى الكلام إتغير .. ممكن نبقى نسأل فى السجن بس بعدين

واكدت الست مرجانه لاذاعة "ميوزك اف ام "التونسيه انه لا مجال للمقارنه اطلاقا بينهم

فعمرو جيل وتامر جيل اخر مشيره الى ان البوم عمرو دياب

متميز للغايه وقد اعجبها واحبت اغنية "تعبت ليه" ويهمك في ايه"

عمرو .. هوا فيه زى عمرو .. يابنتى إنتى بتتكلمى فى ايه .. ده عمرو ..

كما قالت ان عمرو يقدم اغاني على مستوى الشباب

دا اللى هوا إحنا .. نعم ياسيدى نعم ..

ولا توجد بها الفاظ مشينه مثلما قدم تامر حسني اغانيه التي توجد فيها الفاظ مشينه

هيا تقريبا كده مشينه يعنى بذيئه .. وبالفرنساوى يعنى أبيحه

المهم بقى ان الكلام ده معجبش إخواننا التمراويه ..

إلى درجة إنى وأنا ببحث عن الحقيقه زى المفتش كرومبو ...

لقيت واحد .. بيغلط فى أروع ما غنت شيرين .. وبيقول على لسانها ..

أنا مش بتاعت الكلام ده .. أنا كنت طول عمرى قرده ..

واللى فى نظرى مكن تكون أفضل أغنيه نزلت السوق بعد رائعة بحبك ياحمار ..

مطالباً قبيلة التمراويه بمقاطعة ألبونها الجديد وكل حفلاتها ..

ولو لقيت صورتها فى التلفيزيون إكسره ..

.,.,.,.,.,.

فى الختام ..

جاء أعرابي إلى النبي صلى الله عليه وسلم فقال: متى الساعة ؟!

قال رسول الله صلى الله عليه وسلم: " ما أعددت لها؟ ".

قال إني أحب الله ورسوله.

قال: " أنت مع من أحببت ".

.,.,.,.,.

فاللهم ياعزيز ياغفار ..

الهمنا حبك وحب من يحبك ..

وحب كل ما يقربنا لحبك ..

ههههههههههه ... لا بجد تحفة

وياجماعة المفروض منقولش انا بحب المغني الفلاني

لانك بكده هتتحشر معاه يوم الحشر ..

تسلمي ياميــــويــة Very Happy

عدد المساهمات : 304 تاريخ التسجيل : 26/07/2009

نورتي يا سكرة ..