ارجوك غير المحطة ..

عدد المساهمات : 304 تاريخ التسجيل : 26/07/2009

السلام عليكم ورحمة الله وبركاته

السيدات والسادة , يجعل يومكم سكر زيادة , وكالعادة ..

اهلا بكم

وندخل فالموضوع علطول علشان العرض مقفول

اسوأ حاجة فالدنيا انك تفكر نفسك انت الوحيد اللى صح !

والناس كلها وبعدين تكتشف انك كنت انت اللى غلط والناس

كلها صح

ياااااااااااه , حاجة أسية قوى

انك تعيش طول عمرك تضحك وفاكر انك بتضحك عالناس

وفالاخر تكتشف انك كنت بتضحك على نفسك

وهتكتشف ساعتها ان كلها اللى شفتها بتضحك ف وشك

وكنت فاكرهم بيضحولك كانوا بيضحكوا عليه

وانهم كان عندهم حق يضحكوا عليك , لانك ببساطة ..

إنسان مغفل

من كام يوم كدة وانا راكب المترو كالعادة كانت العربية مليانة

على اخرها والناس راكبة على بعضها !

وكنت واقف انا ف مكانى المفضل جنب الباب وكنت راكب

المترو بتاع خط الجيزة

المهم لقيت واحد عالباب بيسال واحد واحد ويقله مش ده

اتجاه الجيزة ؟

قاله لا ده اتجاه شبرا !! وبعدين قاله انزل تحرير وغير الاتجاه

لانك ركبت غلط !!

قلتله ثوانى يا استاذ , ده اتجاه الجيزة والراجل راكب صح

وانت اللى راكب غلط , ورد واحد تانى قاله ايوة ده اتجاه

الجيزة , قالنا لا ده اتجاه شبرا انا راكب صح , انتو اللى راكبين

غلط , وفى الاخر بص عالخريطة اللى فالمترو ولقى المحطة

اللى هو عايزها عالخط التانى واقتنع ان هو اللى راكب غلط

والناس كلها راكبة صح

وساعتها كان شكله وحش ومكنش عارف يودى وشه فين

من نظرات الناس ليه اللى كان بيحاول يقنعهم انهم غلط

وهو اللى صح وفى الاخر طلع العكس

وده موقف حقيقى ومثل حى من ارض الواقع وحصل

قدامى , يعنى مش فانتازيا

وده من اكتر المواقف اللى اثرت فيا وقعدت افكر كتير جدا

وفضلت طول اليوم افكر طول اليوم افكر فالموقف ده , يعنى

يمكن ماثرش فصاحبه قد ما اثر فيا

لانى حطيت نفسى مكانه وتخيلت هيكون شعورى ايه لو

حصل معايا الموقف ده

ويمكن تقول تقول عليا ببالغ لان الموضوع بسيط ومش

مستاهل ده مجرد واحد ف محطات المترو وبتحصل كتير,

ويمكن فعلا الموقف مش مستاهل لو قسناها على

محطات المترو

لكن تخيل معايا لو الموقف ده حصلك ف محطات حياتك !

هتقدر تغير المحطة ؟

صدقنى صعب جدا , لان محطات الحياه الانسان بيعدى عليها

مرة واحدة بس والمحطة اللى بتروح مينفعش ترجعلها او

تغيرها تانى , وكمان الناس اللى عايشين معاك فالمترو بتنزل

وتسبهم ف محطتك

انما الناس اللى عايشين معاك فالحياه بيشوفوك وبتشوفهم

كل يوم , يعنى مش هتقدر تهرب من نظراتهم ليك

وهتفضل نظراتهم تطاردك لغاية متدخل خزنة النسيان

علشان كدة لازم كل واحد يسال نفسه هو صح ولا غلط

ويسأل اللى حواليه انا صح ولا غلط

ومتحاولش توهم نفسك انك صح والباقيين كلهم غلط

انك هادف والناس كلها تافهين

انك جاد والناس كلها هايفين

انك عاقل والناس كلها مجانين

ووفى الاخر تكتشف العكس وان الناس برده كانت شايفاك

كدة وهما اللى صح وانت اللى غلط

وساعتها هتحس انت كنت قد ايه انسان مغفل

مغفل لان كل الناس كانت شايفاك وانت الوحيد اللى مكنتش

شايف نفسك

يبقى لازم تحسبها صح ومتشيليه الغلط كله للناس ولا

لنفسك

يعنى لو اتنين قالولك انت صح وواحد قالك انت غلط ممكن

تكون صح

ولو واحد قالك انت صح واتنين قالولك انت غلط ممكن تكون

غلط

انما لو التلاتة قالولك انت غلط يبقى اكيد انت غلط

بدل محدش قالك انت صح يبقى انت غلط ولازم تفكر وتعيد

حساباتك او عالاقل تفكر شوية

فكر واستفتى قلبك واستفتى الناس

لو لقيت نفسك فالمحطة الصح يبقى مخسرتش حاجة

ولو لقيت نفسك فالمحطة الغلط

ارجوك .. غير المحطة

وبكدة نكون وصلنا لاخر محطة ف موضوعنا
اتمنى يكون الموضوع وصلكو كويس
ويكون وصلى قبلكو

عندك حق

تسلمي علي التوبيك ياجميل

بس انا مبحبش التلفزيون ماينفعش اغير الصفحة lol!

عدد المساهمات : 304 تاريخ التسجيل : 26/07/2009

هههههههههههههه
لا ينفع .. ده حتى ينفع تغيري هدومك لو حبيتي .. هههههههههههه
منورة يا رورو ..

ههههههه... ماشي طيب انا عاوزة اغير حياتي ينفع lol!

عدد المساهمات : 8 تاريخ التسجيل : 14/08/2009

موضوع جااااااااااااااااااااامد يا سيــ الحب ـــرة
ساعات كتيير بتحصلنا اننا نبقي متمسكين براينا ومش عاوزين نسمع الاراء التانية وده بيبقي في الغالب عند وتكبر ولو ساعتها فكرنا شوية هنلاقي ان احنا اللي غلط
بس انا بعترض علي

اقتباس :: انما لو التلاتة قالولك انت غلط يبقى اكيد انت غلط

مش لازم لو الناس اجمعت علي ان انا اللي غلط ابقي انا فعلا غلط لازم اتناقش معاهم واعرف هما بيفكروا ازاي علشان ممكن اكون بفكر في الموضوع من جهه وهما بيفكروا من جهه تانية خاااالص
وفي الختام
شكراااا سيرة علي الموضووع وفي انتظار المزيد ان شاء الله

l2 ya sera ana sa7 3la tol Razz

:P

hhhhhhh
tslem edek wallahe topic gameeeeeeeed moooooot

عدد المساهمات : 304 تاريخ التسجيل : 26/07/2009

نورتوا يا حلوين ..

عدد المساهمات : 76 تاريخ التسجيل : 06/08/2009

تسلمى يا قمر على التوبيك الجميل ده

تسلم ايدك

وبجد التوبيك جااااااااامد اقوي Wink