الغيبوبة التي نعيش فيها ..

عدد المساهمات : 304 تاريخ التسجيل : 26/07/2009

تحياتى الطيبة لكل من يقرأ هذا الموضوع ويحاول أن يتغير لله وأن يدرك معنى ان تعيش فى معية الله

فى البداية كلنا ندرك معنى الغيبوبة التامة التى من الممكن أن تجعلنا نعيش بأجسادنا ولكن فى حقيقة الأمر نحن موتى بقلوبنا وبدننا

كلنا يمضى فى الدنيا ويسعى لبلوغ وتحقيق الأهداف التى من الممكن ان تجعلنا سعداء فى حياتنا الدنيا وفقط منا من يستيقظ باكرا ومنا من يستيقظ متأخرا
باكرا أى الساعة 9 صباحا ومتأخرا أى الساعة 11 ظهرا للأسف نسينا أن بداية اليوم عند أى مسلم يجب أن تكون بعد أن تصلى الفجر فى جماعةثم تجلس مع الله وتذكره وتصلى ركعتين وتروح لشغلك نسينا هذا الفرض من الفرائض التى أمرنا الله بها نسينا أو تناسينا النتيجة واحدة

الأخوة والأصدقاء والأحباء

دى بداية الغيبوبة التامة صلاة الفجر وتحت صلاة الفجر مليون خط لاهميتها عند ربنا أول حاجة ولينا

"من صلى البردين دخل الجنة"

"من صلى الفجر فى جماعة فهو فى ذمة الله"

"من صلى الفجر فى جماعة فكأنما قام الليل كله"

لما نروح ليومنا الطبيعى فى الشغل او فى أى مكان

هقولك بتقضى يومك الزاى وتجاوب انت صح فى برنامج حياتك اليومى ولا غلط
ناس كتير منا بتقضى يومها بعد ما تنزل من البيت الساعة 9 أو 11 اللى بياخد شاور قبل ما ينزل ويطير ع الشغل قبل اى حاجة عشان الوقت اتأخر ولازم يوصل فى المعاد المحدد عشان مش عايز مشاكل وصل الشغل هيتعامل مع ناس كتير جدا هيتعصب وهيغلط هيخرج عن تركيزه هيخلص شغل هيروح البيت ساعة الغداء هيتغدى بعد الغدى هينام هيصحى من النوم العشاء هتروح عليه المغرب مش هيصلى المغرب والعصر فى وقتها ومش هيصليها فى الجامع بعد ما يصحى من النوم هينزل لو مرتبط بأى معاد مع أى انسان هيرجع من المعاد بتاعه الساعة 12 هيتعشى وهيتفرج على t v هيتفرج للساعة 1ونص او 2 هينام

دى ممكن تكون حياة عادية جدا كتير مننا بيعشها وعادى

أنا هسألكم احنا عايشين ليه ؟

"وما خلقت الجن والانس الى ليعبدون"

"واعبد ربك حتى يأتيك اليقين"

واجبك وواجبى تجاه الاسلام ايه

الاجابة
اتخاذ الاسلام ومنهج الاسلام كمنهج حياة يجب أن نطبقه فى حياتنا اليومية ولا يجب ابد أن يكون اسلامنا ظاهريا دون عمل صالح يرضى الله عز وجل ويجب أيضا أن نستتشعر بقيمة المنهج الاسلامى وهذه الرسالة الغالية وهذا الدين الحنيف ونسعى لنشر الاسلام فى كل مكان وبأى وسيلة

ايه أهدافك وايه أفكارك ؟
الأهداف تختلف من شخص لأخر وكذالك الأفكار ولكن يجب ان تكون الاهداف والافكار كلها تخدم الاسلام والمسلمين وترضى الله عز وجل قبل أى شئ

قال تعالى
"وما الحياة الدنيا الا لهو ولعب وللدار الأخرة هى الحيوان"

انت وأنا عايشين فى لهو ولعب الدنيا عند ربنا كده

سيدنا محمد صلى الله عليه وسلم بيقول ايه " عش فى الدنيا كأنك غريب أو عابر سبيل "

هل أنت فعلا عايش زى ما سيد البشرية صلى الله عليه وسلم أمرك تعيش!!!

غيبوبة الحياة الدنيا

غيبوبة الجهل التام بأمور الاسلام والمسلمين

غيبوبة البعد عن الله عز وجل

غيبوبة طمس الهوية الحقيقية والأصلية للشخصية المسلمة السليمة

"يامن بدنياه انشغل وغره طول الأمل الموت يأتى بغتا والقبر صندوق العمل "

أنت يامن تمثل الاسلام هل تدافع عن الاسلام عندما يهان

أنت يامن تخاف أن تقول أو تشهد بالحق أمام أى ظالم أتخاف من مخلوق مثلك ولا تخاف من الله

أنت يامن اكتفى من النصح والعمل والاجتهاد لانك تعيش فى رغد من العيش هل انت بذلك ترضى الله أم ترضى نفسك

أنت يامن لايغير من نفسه اى صفه ذميمة ماذا تنتظر كى تغير من نفسك وترضى رب العالمين

كلنا الى فناء ليست الدنيا بدار خلود كلنا الى زوال الى جنة الخلود أو الى نار السموم
حقيقة تجاهلناها ونسيناها وأصبحنا نعيش بقلوب يغشاها الظلام الدامس

نغضب الله باللسان فنغتاب هذا ونتكلم فى حقه دون أن يعلم

نعصى الله بالجهل اللى بنعيش فيه بالهيافه اللى احنا فيها باهتمام كل واحد فينا بنفسه وبس مش

بيفكر فى صاحبة أو أخوه
وما خفى كان أعظم وأكبر

نسينا قول رسول الله " حب لأخيك ما تحب لنفسك"

أصبحنا كرماد البرود كثير جدا ولكن اذا جاء الريح تتطاير الرماد وينهزم رغم أنه كثير ولكنه تتطاير فى الهواء كغثاء السيل

نمتلك الايمان ولكن ليس الايمان الصحيح

ندعوا الله عز وجل فلا يستجاب لنا

نسعى للدنيا ولنيل اعلى المراكز دون أن نحدد الأهداف التى عن طريقها ترضى الله عز وجل

نسعى لرضا النفس ولهوى النفس نتلذذ بالملذات والشهوات

نعصى الله عز وجل ونعلم اننا نعصيه دون أن نستحى منه
مش هقول أكتر من كده دلوقتى على الأقل بس هقول بعد كده

اسلامنا وحقيقة الاسلام وشخصية الفرد المسلم والاسلام عندنا منهج حياة فى حياتنا ولا لا

الالتزام وحقيقة الالتزام وعلاقتك بربنا وكيفية ان ترضى الله عز وجل وحقيقة الدنيا والموت والقبر والبعث والسؤال كل ده هحاول اعرفكم بيه فى كتباتى اللى جايه ان شاء الله

الزاى تبقى انسان ايجابى
وتتغلب على سلبيتك اللى مفروضه عليك من مجتمعك اللى عايش فيه

الجملة صعبة بس جميلة وحقيقة لازم تتعرف عليها

الانسان والفرد المسلم لازم يبقى ايجابى فى حياته والايجابية موجودة عند بعض الناس بنسب متفاونة ومتقاربة جدا فى ناس كتير بتحاول تغير البيئة اللى عايشة فيها للاحسن وبيحدد أهدافه لكده

عشان الفكرة تنجح لازم تبنى اساس وعشان الاساس يبقى متين لازم تبقى مقتنع بالعمل اللى هتقوم بيه والفكرة اللى هتنفذها والأهداف اللى هتحددها

دى كانت اضافة بسيطة جدا عن الايجابية

دمتم بود
اعجبنى فنقلته
عسى ان ينفعنا لما يحبه ويرضاه رب العالمين
تقبل الله منا ومنكم صالح الاعمال

موضوع هااااااااااااااااااااااااايل

منذُ وُلِدَّتَ ، و أنتَ تـَفخر بالإسلام

فمتى يفخر الإسلام بك؟؟

عفوا امتي فقد أبينا الركوع
وفضلنا الموت والجوع
على ان نبكي امتاٌ ماتت دون رجوع

عدد المساهمات : 304 تاريخ التسجيل : 26/07/2009

نورت التوبيك يا محمود بمرورك الجميل ...